ගවහලේ පිදුරු මිටිය මට වෙන්නට තිබුනානම්
ගවහලේ වසු පැටවෙකු මට වෙන්නට තිබුනානම්
මා කෙතරම් වාසනාවන්තද, මා කෙතරම් සන්තෝසද
අප රටේ නත්තල් දා සාමය තිබුනානම්
පටපිළි දවටා විලවුම් ඇගලා යනවා අපි පල්ලි
රතිඥ්යා පුපුරා රුපියල් වනසා මත් වී සතුටු වෙවී
ගිනිගෙන දැවෙනා වැලි කතරේ නත්තල තනි වීලා
තල් අතු මැදුරේ හෙන හඬේ නත්තල නැවතීලා
පොඩ්ඩක් හිතන්න සුමිතුර අපේ රටේ උතුර
ගවහලේ තරු කිරණක් මට වෙන්නට තිබුනානම්
ගවහලේ පිදුරු මිටිය මට වෙන්නට තිබුනානම්
ආසියාවේ ඉපදුන ජේසුනි අපේ රටට එන්න
සැවොම බලාගෙන ඉන්නේ සමිදුනි ඔබ එනතුරු ලොවට
කුසගිනි නැගෙනා පැල්පතේ නත්තල තනි වීලා
යුධ ගිනි නැගෙනා නගරයේ නත්තල නැවතීලා
පොඩ්ඩක් හිතන්න සුමිතුර අපේ රටේ උතුර
ගවහලේ තරු කිරණක් මට වෙන්නට තිබුනානම්
ගවහලේ පිදුරු මිටිය මට වෙන්නට තිබුනානම්
මා කෙතරම් වාසනාවන්තද, මා කෙතරම් සන්තෝසද
අපි කෙතරම් වාසනාවන්තද, අපි කෙතරම් සන්තෝසද
Listen to the hymn on YouTube: https://www.youtube.com/watch?v=t1svsNp7S9A
No comments:
Post a Comment